Trampdan 50 Günlük Ultimatum: Ukrayna-Rusiya Münaqişəsində Böyük Təhlükə

ABŞ prezidenti Donald Tramp bildirib ki, əgər Rusiya və Ukrayna növbəti 50 gün ərzində razılığa gələ bilməsələr, “çox pis olacaq”. Bu sözləri Reuters agentliyi təqdim edir.

14 iyul tarixində Tramp NATO-nun baş katibi Mark Rütte ilə görüşdə “əgər Ukrayna konfliktinin həllində 50 gün ərzində irəliləyiş olmazsa, Rusiyadan neft alan ölkələrə ikincili 100% gömrük rüsumlarının tətbiq olunacağını” açıqlayıb. Eyni zamanda, Avropa müttəfiqlərinin maliyyələşdirdiyi 17 Patriot hava hücumundan müdafiə sisteminin Ukraynaya Avropada yerləşdirilməsi üçün veriləcəyini elan edib.

Daha sonra Reuters mənbələrə istinadla yazıb ki, Rusiya prezidenti Vladimir Putin ABŞ lideri Donald Trampın sanksiyaların sərtləşdirilməsi barədə təhdidlərinə baxmayaraq, Moskvanın sülh şərtləri qəbul edilməyənədək Ukraynada xüsusi əməliyyatı davam etdirməyi planlaşdırır.

Ulusum.az