Türk kinosunun əfsanəsi Kemal Sunal 25-ci ildönümündə məzarı başında anıldı

Türk kinosunun unudulmaz siması, milyonların gülüşünü özünə borclu bildiyi əfsanəvi aktyor Kemal Sunal vəfatının 25-ci ilində böyük ehtiramla yad edildi. Onun xatirəsi İstanbulun Zincirlikuyu qəbiristanlığındakı məzarı başında anılıb.

Ailəsi, sənət dostları, pərəstişkarları və bir çox sənətsevər, gülüşləri ilə iz buraxmış bu nadir insanın qəbrini ziyarət edərək onun sənət mirasına və insani dəyərlərinə bir daha sayğılarını ifadə ediblər.

“Səmimi baxışı, xalqın içindən çıxan obrazları ilə o, sadəcə aktyor deyildi – bir dövr idi.”

Kemal Sunal "Şaban", "İnek Şaban", "Kapıcılar Kralı", "Tosun Paşa", "Süt Kardeşler", "Davaro" kimi saysız filmlərlə təkcə Türkiyədə deyil, Azərbaycan da daxil olmaqla, bütün türk dünyasında sevilmiş, insanların yaddaşında təbəssüm və nostalji ilə iz qoymuşdur.

Vəfatından 25 il keçsə də, Kemal Sunal xalqın qəlbində yaşayır. Çünki o, təkcə gülüş bəxş etmədi — dürüstlük, sadəlik və insanlıq dərsi verdi.

Ulusum.az