Sülh Sadəcə Söz İdi? İsrail İrana Zərbə Endirdi

ABŞ-ın sabiq prezidenti Donald Tramp bildirib ki, İsrailin baş naziri Binyamin Netanyahu ilə telefon danışığı aparıb. Onun sözlərinə görə, İsrail İrana hücum etmək fikrindən daşınıb:

“İsrail İrana hücum etməyəcək. Bütün təyyarələr dostyana bir ‘hava salamı’ verib geri qayıdacaq. Heç kim zərər görməyəcək, atəşkəs qüvvədədir!” – deyə Tramp öz sosial şəbəkəsində yazıb.

Amma Reallıq Fərqlidir?

İsrail mətbuatı isə yazır ki, demək olar bütün qırıcılar havaya qalxıb. Trampın təkidli tələbinə baxmayaraq, Netanyahu Tehranın son hərəkətlərinə cavabsız qala bilməyəcəyini bildirib. Nəticədə kompromis kimi İran ərazisində cəmi bir hərbi obyektə “simvolik və məhdud” zərbə endirilib.

İsrail rəsmi şəkildə hücum faktını təsdiqləyib:

“Tehranın şimalında yerləşən radar obyektinə zərbə endirildi. Bu, lokal və məhdud bir əməliyyat idi. İsrail bununla atəşkəsin pozulmasına cavabını yekunlaşdırır.”

İranda Partlayışlar: Təsadüfmü, yoxsa Cavab Hücumumu?

Eyni zamanda, İran mənbələri Tehranın şimalında iki güclü partlayış barədə məlumat yayıblar. Rəsmi təsdiq verilməsə də, vəziyyətin gərgin olduğu açıqdır.

Ulusum.az