NATO sammitində İranla bağlı mübahisəli mövzu - Gündəmdə

NATO sammitində İranda rejim dəyişikliyi məsələsi müzakirə oluna bilər. Bu barədə hərbi alyansın baş katibi Mark Rutte məlumat verib. Onun sözlərinə görə, bu mövzu rəsmi gündəlikdə yer almasa da, ayrı-ayrı üzv dövlətlər məsələni qaldıra bilərlər.

“NATO ölkələrinin bu məsələni rəsmi müzakirəyə çıxarmaması, üzv dövlətlərin bunu gündəmə gətirməyəcəyi anlamına gəlmir,” – deyə Rutte vurğulayıb.

Sammit öncəsi keçirilən mətbuat konfransında baş katib İranda rejim dəyişikliyinin məqsədəuyğun olub-olmaması barədə sualdan yayınıb və bu mövzuda şərhlərini cilovlamağa məcbur olduğunu bildirib. Eyni zamanda o qeyd edib ki, əgər mümkün olsa, bu mövzu ilə bağlı fikirlərini məmnuniyyətlə bölüşərdi.

Bloomberg jurnalistləri bildirirlər ki, Yaxın Şərqdəki gərginlik səbəbindən Ukrayna NATO sammitində gözlədiyi diqqəti ala bilməyə bilər. Ekspertlərin fikrincə, Ukrayna Prezidenti Volodimir Zelenskiyə Haaqada “pis xəbərlər” gözləyir.

Ulusum.az