Heç bir amerikalı zərər görmədi - Tramp dünyaya sülh mesajı verdi

ABŞ Prezidenti Donald Tramp İranın Amerika bazasına endirdiyi zərbəyə münasibət bildirib.

“Oynadığımız oyunla müqayisədə İranın cavabı çox zəif idi – biz bunu gözləyirdik və effektiv şəkildə qarşısını aldıq. 14 raket buraxılıb, onlardan 13-ü vurulub, biri isə “nəzərə alınmayıb”, çünki təhlükəsiz istiqamətdə gedirdi. Sevinərək bildirirəm ki, HEÇ BİR amerikalı zərər görməyib və demək olar ki, heç bir dağıntı olmayıb. Ən vacibi isə odur ki, İran bu reaksiyanı sistemindən “çıxardı” və ümid edirəm, artıq NİFRƏT sona çatacaq.

İrana təşəkkür edirəm ki, əvvəlcədən xəbərdarlıq etdilər və bunun sayəsində heç bir itki və ya yaralanma baş vermədi. Bəlkə də, indi İran regionda sülh və harmoniya yolunu davam etdirə bilər. Mən eyni addımı atmağa İsraili də çağırıram. Bu məsələyə diqqət ayırdığınız üçün təşəkkür edirəm!” – deyə Tramp sosial şəbəkədə yazıb.

“BÜTÜN DÜNYANI TƏBRİK EDİRƏM – SÜLH ZAMANI GƏLDİ!” – deyə ABŞ lideri əlavə edib.

Ulusum.az