Fordo alov içində - ABŞ-dan İrana raket yağışı

FOX News-un məlumatına görə, ABŞ Fordoda yerləşən nüvə obyektinə 15 tonluq 6 bunker bombası atıb.

Bununla yanaşı, Natanz və İsfahan şəhərlərindəki nüvə obyektlərinə 30 “Tomahawk” raketi buraxılıb.

Reuters agentliyi isə adının açıqlanmasını istəməyən amerikalı rəsmi şəxsə istinadla bildirib ki, bu hücumlarda B-2 strateji bombardmançı təyyarələri iştirak edib.

CBS News-un məlumatına görə, bombardmandan öncə ABŞ tərəfi İranla əlaqə saxlayaraq bildirib ki, məqsəd rejimi devirmək deyil, yalnız dəqiq zərbələrlə nüvə obyektlərini vurmaqdır.

Lakin İran bu izahları qəbul etmir. İran dövlət televiziyası bu hadisədən sonra qəzəblə bəyan edib:

“Bundan sonra Yaxın Şərqdəki hər bir amerikalı və ya ABŞ əsgəri qanuni hədəfdir.”

Ulusum.az