Orta Şərqdə fırtına yaxınlaşır

İsrail İrana qarşı uzunmüddətli hərbi kampaniyaya hazırlaşır. Bu barədə İsrailin Baş Qərargah rəisi, general-leytenant Eyəl Zamir The Financial Times nəşrinə bildirib.

Zamir qəti şəkildə vurğulayıb: İranla qarşıda uzun və çətin bir hərbi əməliyyat dayanır – baxmayaraq ki, İsrail raket infrastrukturu və hərbi rəhbərliyə uğurlu zərbələr endirib.

“Kampaniya hələ başa çatmayıb, bizi çətin günlər gözləyir,” – deyə o bildirib.

Zamirin sözlərinə görə, İran İsraili "alov halqası" ilə – vasitəçi silahlı qruplar və raketlərlə – əhatəyə alıb və nüvə proqramını da davam etdirir.

“Biz qabaqlayıcı tədbirlər görməliyik ki, mövcudluğumuza olan təhdidi aradan qaldıraq,” – deyə o əlavə edib.

Ulusum.az