İsrail İranın yeraltı nüvə obyektini məhv etməyə gücü çatmaz - ETİRAF

ABŞ Prezidenti Donald Tramp bildirib ki, o “həmişə sülhsevər biri” olub, lakin “bəzən sülh üçün sərtlik göstərmək lazımdır”.

İranla müharibədə ABŞ hərbçilərinin yerüstü əməliyyatlara cəlb olunması ehtimalı ilə bağlı suala Tramp belə cavab verib: “Bu, etmək istədiyiniz sonuncu şey olmalıdır”.

İsraillə müharibəyə qoşulmaq barədə qərar vermək üçün dünən verdiyi iki həftəlik möhlətə dair sualı cavablandıran Tramp deyib: “İrana müəyyən vaxt veririk. Məncə, maksimum iki həftə olar.”

Tramp əlavə edib ki, İsrail təkbaşına İranın Fordo yeraltı nüvə obyektini sıradan çıxara bilməz. “Onların imkanları çox məhduddur. Kiçik bir hissəyə nüfuz edə bilərlər, amma dərinliyə gedə bilməzlər. Onlarda bu imkan yoxdur.”

“Bəlkə də buna ehtiyac qalmayacaq,” – deyə o əlavə edib.

Ulusum.az