Koçaryan: Samvel Karapetyanın həbsi Ermənistanın milli biabırçılığıdır

Ermənistanın keçmiş prezidenti Robert Koçaryan rusiyalı milyarder, “Tashir Group” şirkətinin sahibi Samvel Karapetyanın həbsi ilə bağlı sərt açıqlama verib. O, bu hadisəni "milli rüsvayçılıq" adlandıraraq vəziyyəti Facebook səhifəsində şərh edib (xatırladaq ki, Meta şirkəti Rusiyada ekstremist elan edilib və fəaliyyəti qadağan olunub).

“Samvel Karapetyanla baş verənlər növbəti biabırçı addımdır — cibə işləyən məhkəmə sisteminin növbəti rüsvayçılığı. Ölkə üçün milli biabırçılıqdır ki, diasporada və Ermənistanda böyük fəaliyyətləri ilə tanınan bir investor və xeyriyyəçini, heç bir əsas olmadan, Ermənistan Apostol Kilsəsini müdafiə etdiyinə görə həbsə atırlar”, – deyə Koçaryan bildirib.

Onun fikrincə, bu vəziyyətdən yeganə çıxış yolu hakimiyyət dəyişikliyidir. Əks halda, Ermənistanın “sürətlə totalitar diktaturaya yuvarlanacağı və bu prosesin dövlətçiliyə ağır nəticələr doğuracağı” qənaətindədir.

Qeyd edək ki, 18 iyun tarixində Yerevan məhkəməsi Samvel Karapetyanın barəsində 2 aylıq həbs qətimkan tədbiri seçib. Ona qarşı “hakimiyyəti ələ keçirməyə açıq çağırışlar” maddəsi üzrə ittiham irəli sürülüb.

Biznesmenin vəkili Liana Qasparyan isə bu ittihamı “absurd” və “əsassız” adlandırıb.

Ulusum.az