"Ermənistan dövlət kimi yox ola bilər" - Rusiyalı deputat belə düşünür

"Ermənistan, Baş nazir Nikol Paşinyanın apardığı siyasət səbəbilə qarşıdakı onilliklərdə dövlət kimi mövcudluğunu dayandıra bilər".

Bu fikri Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr üzrə komitəsinin sədr müavini Aleksandr Boroday səsləndirib.

“Paşinyan — avantüristdir, oyunçudur. Ermənistanla bağlı bu bütün proseslər öz məntiqi sonluğuna doğru gedir. Ermənistan dövlət olaraq yaxın onilliklərdə yox ola bilər. Belə bir hökumət başçısı ilə bu proses daha da sürətlənəcək,” – NEWS.ru deputatın sözlərini belə sitat gətirib.

Boroday əlavə edib ki, Paşinyan “erməni xalqının düşmənidir”. Deputatın sözlərinə görə, Ermənistanın baş naziri antirus yönümlü siyasət aparır və “müasir Ermənistan Rusiyasız mövcud ola bilməzdi”.

Ulusum.az