“Bu an səni seçdi” – Trampa ilahi çağırışlı məktub!

Donald Tramp ABŞ-ın İsraildəki səfiri Mayk Hakabidən aldığı emosional məktubu ictimailəşdirib. Məktubda diplomat ABŞ-ın İranla qarşıdurmada iştirak etməsinin vacibliyinə eyham vurur.

“Cənab Prezident, Allah sizi Pensilvaniya ştatının Batler şəhərində qorudu ki, siz son yüz ilin – bəlkə də bütöv tarix boyu – ən əhəmiyyətli prezidentinə çevriləsiniz. Çiyinlərinizə düşən qərarlar o qədər ağırdır ki, onların heç birini başqa birisinə arzulamazdım. Sizə çox səslər müraciət edir, amma yalnız BİR səs önəmlidir. Bu, Onun – Allahın səsidir.

Mən bu torpaqda sizin təyin etdiyiniz bir xidmətçiyəm. Həmişə kömək etməyə hazıram, amma tez-tez görünmürəm – çünki sizin intuisiya və qərarlarınıza güvənirəm. Mənim ömrüm boyu heç bir prezident belə bir vəziyyətdə olmayıb. Bu, 1945-ci ildən – Trumen dövründən bəri görünməmiş bir vəziyyətdir.

Bu məktubu sizi inandırmaq üçün yazmıram. Yalnız dəstək vermək üçün yazıram. İnanıram ki, siz göylərdən gələn səsi eşidəcəksiniz – o səs mənim və digərlərinin səsindən çox daha vacibdir. Siz məni İsrailə göndərmisiniz ki, sizin gözünüz, qulağınız və səsiniz olum. Mənim vəzifəm – ən sonda oranı tərk etməkdir.”

Hakabi məktubunun sonunda vurğulayır:

“Mən bu postu tərk etməyəcəyəm. Bizim bayraq endirilməyəcək! Siz bu anı axtarmadınız – bu an sizi özü tapdı!”

Ulusum.az