Xan Yunisdə Avropa Xəstəxanasına Hava Zərbəsi: 28 Ölü

İsrailin Xan Yunisdə yerləşən Avropa Xəstəxanasına endirdiyi hava zərbəsi bölgədə böyük dağıntıya səbəb olub. Partlayış nəticəsində xəstəxana ərazisində iri kraterlər yaranıb, bir neçə avtomobil tamamilə yararsız hala düşüb.



Hücum zamanı hadisə yerinə yaxınlaşmağa çalışan iki mülki müdafiə zabiti kvadrokopter atəşi ilə yaralanıb. Eyni saatlarda Nasser Xəstəxanası da hədəf alınıb və yeni bir hava hücumu ilə sarsıdılıb.

Rəsmi məlumatlara görə, Avropa Xəstəxanasına edilən hücum nəticəsində 28 nəfər həyatını itirib, bir neçə nəfər isə yaralanıb. Yaralılar arasında bölgədə fəaliyyət göstərən BBC-nin müstəqil jurnalisti də var. Onun vəziyyətinin stabil olduğu bildirilib.



İsrail ordusu hücumla bağlı açıqlamasında, HƏMAS-ın guya həmin xəstəxananın yaxınlığında yerləşən komanda mərkəzini hədəf aldıqlarını bildirib. Digər tərəfdən, İslami Cihadın silahlı qanadı İsrailə raket hücumları həyata keçirdiyini açıqlayıb. İsrail isə Qəzzadan atılan mərmiləri zərərsizləşdirdiyini iddia edir.

Xəstəxanaların hədəf alınması beynəlxalq ictimaiyyətdə narahatlıq doğurur və mülki əhalinin getdikcə daha çox zərər gördüyünü bir daha ortaya qoyur.



✍️"Ulusum".az