Ərdoğan sərt tənqidlərdən sonra CHP liderini məhkəməyə verib

Türkiyə prezidenti Rəcəb Tayyib Ərdoğan, müxalifət partiyası Cümhuriyyət Xalq Partiyasının (CHP) sədri Özgür Özəli məhkəməyə verib.

Ulusum.az-ın dünya mətbuatına istinadən verdiyi məlumata görə, dövlət başçısının vəkili Hüseyn Aydın, Ərdoğanın, Özəl tərəfindən istifadə olunan "xunta üzvü" ifadəsi və digər təhqiramiz müqayisələr səbəbindən 500 min türk lirəsi (təxminən 13,1 min ABŞ dolları) məbləğində mənəvi təzminat tələb etdiyini açıqlayıb.

Aydın bildirib ki, CHP sədri Özəl, partiyasının növbədənkənar qurultayında prezident Ərdoğanı "xunta üzvü" adlandıraraq və digər qəbuledilməz ifadələr səsləndirərək ona qarşı əsassız ittihamlar irəli sürüb. Bu səbəbdən, prezident Ərdoğan, Ankara Birinci Instansiya Mülki Məhkəməsində 500 min lirə dəyərində mənəvi təzminatın ödənilməsi üçün iddia qaldırıb.

Həmçinin, Ərdoğanın hüquq-mühafizə orqanları, CHP sədrinin prezidentə qarşı təhqir etdiyi üçün cinayət işi başlanması tələbi ilə Ankara Baş Prokurorluğuna müraciət edib.