Trampın komandası Pentaqonda zabit və generallar arasında genişmiqyaslı “təmizləmələrə” hazırlaşır

Trampın komandası Pentaqonda zabit və generallar arasında genişmiqyaslı “təmizləmələrə” hazırlaşır. Bu barədə Reuters mənbələrə istinadən xəbər yayıb.

Məlumata görə, onlar Birləşmiş Qərargah Rəisləri Komitəsinin keçmiş sədri Mark Mille yaxın olan bütün məmurları vəzifəsindən uzaqlaşdırmaq istəyirlər. Proses ilkin planlaşdırma mərhələsindədir və yeni administrasiya formalaşdıqca dəyişə bilər.

Agentlik yazır: “Birləşmiş Qərargah Rəisləri Şurasına ABŞ ordusunun yüksək səviyyəli zabitləri, o cümlədən Ordu, Hərbi Dəniz Qüvvələri, Dəniz Piyadaları, Hərbi Hava Qüvvələri, Milli Qvardiya və Kosmik Qüvvələrin rəhbərləri daxildir”.

Eltun Məmmədov