“Taliban” nümayəndəsi İran himni səslənərkən ayağa qalxmadı

“Taliban” nümayəndəsi İran himni səslənərkən ayağa qalxmad

Dünən Tehranda keçirilən 38-ci Beynəlxalq İslam Birliyi Konfransı zamanı “Taliban” hökumətinin nümayəndəsi İranın himninə hörmətlə yanaşmaqdan imtina edib.

Məlumata görə, daha sonra İranın Əfqanıstan üzrə xüsusi nümayəndəsi Həsən Kazımi Qumi “Taliban” rəsmisini tənqid edərək deyib:
“Musiqini şəriət prinsiplərinə uyğun olmadığı üçün qadağan etmək bəhanəsi ilə diplomatik prinsiplərə hörmətsizlik etməyin mənası yoxdur, dinləməni də buna aid etsəydiniz nə olardı?”.

Eyni zamanda, İran bu addımı diplomatik qaydalara hörmətsizlik adlandırıb. Qeyd olunub ki, “Taliban” hökumətinin Tehrandakı nümayəndəsinin bu hərəkəti ötən günlərdə Talibanın Pişavər şəhərindəki baş konsulunun davranışına bənzədilib və Pakistan bunu sərt tənqid edib.

Eltun Məmmədov