Ermənistan parlamentində Paşinyanın istefası müzakirə olunub

Ermənistan parlamentində Paşinyanın istefası müzakirə olunub

“Joxovurd” qəzeti yazır ki, Ermənistanda etiraz hərəkatının lideri Baqrat Qalstanyan parlament müxalifətinin deputatları ilə sentyabrın 22-də keçiriləcək mitinqin təfərrüatlarını və baş nazir Nikol Paşinyanın istefaya göndərilməsi məsələsini müzakirə edib.

Görüş bir gün əvvəl Ermənistan parlamentində baş tutub, 2 saat davam edib, “Ermənistan” fraksiyasının rəhbəri Seyran Ohanyanın kabinetində baş tutub.

Nəşr qeyd edir ki, onlar arasında parlamentdə belə formatda görüş ilk dəfə idi. Bunun təşəbbüskarı Baqrat Qalstanyanın özü olub. Əsas müzakirə mövzusu sentyabrın 22-də keçirilən mitinq və ictimai təzyiq altında baş nazir Nikol Paşinyanın istefaya göndərilməsi məsələsi olub.

Bildirilib ki, Qalstanyan öz gündəliyini təqdim edib, müxalifət hərəkatı dəstəkləməyə hazır olduğunu bildirib.

Eltun Məmmədov