Uluslararası Aktivist Sanatçılar Birliyinin bir qrup üzvü Orta Asiya ölkələrinə səfər etdilər

Uluslararası Aktivist Sanatçılar Birliyinin bir qrup üzvü Orta Asiya ölkələri Qazaxıstan və Qırğızıstana səfər ediblər. UASB Azərbaycan təmsilçisi Nəvai Metin, üzvlər Naqiyə Rzayeva və İntiqam Cəfərovun qatıldığı bu səfərdə bir neçə tədbir paketi nəzərdə tutulub.

6 iyun tarixində rəssamlar Almatı Texnologiya Universitetinin tələbə-müəllim heyəti ilə görüş keçiriblər. Görüş zamanı gələcəkdə birgə keçiriləcək tədbirlər müzakirə olunub. Nəvai Metinin müəllifi olduğu "Dünyanı Sənət Xilas Edəcək" adlı kitab-kataloq ATU-nun rektorluğuna, dizayn fakültəsinin rəhbərliyinə və kitabxanasına təqdim edilib.

7 iyunda Qırğızıstanda olan sənətçilər Qırğızıstan Respublikası Rəssamlar İttifaqının sədri Jaxşıbek ilə görüşdə oldular. Bu günlərdə Azərbaycan sənətçilərinin Bişkek şəhərində baş tutacaq sərgisi müzakirə olundu. 15 iyun tarixində baş tutacaq sərginin detalları müzakirə olundu.

Hal-hazırda Issık-Kul gölü ətrafında olan sənətçilər sərgidə təqdim olunacaq əsərlər üzərində çalışırlar.

Eltun Məmmədov