Tekirdağda Görməli Yerlər Tarix, Təbiət və Mədəniyyətlə Dolu Unudulmaz Səyahət FOTO/VİDEO i

Tekirdağ tarixdə “Üç Kamallar diyarı” kimi tanınır və bu ad Namık Kamal, Mustafa Kamal Atatürk və Yəhya Kamal Beyatlı kimi üç görkəmli şəxsiyyətlə bağlıdır.



Bu bölgə həm də türklərin qərbə doğru köçü zamanı mühüm məskunlaşma yerlərindən biri olmuşdur. Qərbi Trakyadan gələn köçkünlərin bölgəyə təsiri Tekirdağın folkloruna və xalq sənətinə dərin iz buraxmışdır.



Tekirdağ, zəngin tarixi və təbii gözəllikləri ilə Türkiyənin “cənnəti” kimi tanınır və hər il minlərlə turisti cəlb edir. Mərmərə dənizi sahilində yerləşən şəhər çimərlikləri, parkları və 18-ci əsrə aid taxta evləri ilə seçilir.



Arxeologiya və Etnoqrafiya Muzeyi ilə Rakoçzi Muzeyi Tekirdağın mədəni simvolları kimi fərqlənir. Süleymaniyyə məscidi və Namık Kamal Evi isə şəhərin Osmanlı dövrünə və ədəbiyyat tarixinə işıq tutan mühüm abidələrdəndir.



Şarköydəki Hora Mayak və Çorlu qalası tarixi irsi yaşadan önəmli məkanlar kimi diqqət çəkir. Ulaş və Kırkgöz körpüləri isə Osmanlı və Roma dövrlərinə aid memarlıq nümunələri kimi maraq doğurur.



Tekirdağ bölgəsində yerləşən Thzolus Qədim Şəhəri, eramızdan əvvəl 1000-ci illərə aid olub, Frigiya, Fars, Roma və Bizans dövrlərində mühüm məskən sayılıb. Tribiton adı ilə tanınan bu şəhər pendiri ilə məşhur idi və sonralar Osmanlı hakimiyyəti dövründə Çorlu adını alıb.



Tarixi Çorlu Evi isə iki əsrlik taxta memarlığı və etnoqrafik sərgisi ilə ziyarətçiləri cəlb edir.



Melen Manastırı, qədim Qanoxora bölgəsində yerləşən, şərab istehsalı ilə tanınan dini kompleksdir və bu gün də şərab zavodu kimi fəaliyyət göstərir.





Şarköy rayonundakı Müqəddəs Con Teoloqos Monastırı isə 19-cu əsrdə tikilmiş, bəzən dini ayinlərin keçirildiyi, yenidən canlandırılan tarixi abidədir.







My Webpage



✍"Ulusum".az R.İkramlı