“Narkomaniyaya və erkən nikaha yox deyək”

Ucar Rayon Polis Şöbəsinin təşkilatçılığı ilə rayonun Alpout və Küçəkənd kənd tam orta məktəblərində “Narkomaniyaya və erkən nikaha yox deyək” mövzusunda maarifləndirici tədbirlər keçirilib.

Görüşlərdə çıxış edən RPŞ-nin rəis müavini polis polkovnik-leytenantı Qoşqar Kazımov narkotik maddələrin qanunsuz dövriyyəsinin qarşısının alınması istiqamətində ölkə ərazisində aparılan qabaqlayıcı tədbirlərdən danışıb.

Erkən nikahların fəsadları mövzusunda çıxış edən digər iştirakçılar isə yeniyetmə vaxtlarında gənclərin ailə qurması qanunla qadağan olunduğunu, bu cür halların gənclərin fiziki və mənəvi sağlamlığı üçün ciddi təhlükə törətdiyini qeyd edib.



Tədbirlərin sonunda məktəbliləri maraqlandıran suallar cavablandırılıb.

✍"Ulusum".az