Paytaxtda evlərdən oğurluq edən şəxs SAXLANILDI

Paytaxtın Xətai rayonunda evlərdən silsilə oğurluqlar edilib.

Ulusum.az xəbər verir ki, bu brədə Daxili İşlər Nazirliyi (DİN) məlumat yayıb.

Verilən məlumata görə, zərərçəkənlər polisə müraciət edərək evlərindən məişət əşyalarının talandığını bildiriblər.

Polis əməkdaşlarının keçirdikləri tədbirlərlə əməli törətməkdə şübhəli bilinən, əvvəllər məhkum olunmuş B.Bayramov saxlanılıb. Ondan, həmçinin psixotrop maddə olan metamfetamin də aşkarlanıb.

Faktla bağlı araşdırmalar davam etdirilir.

R.Daşdəmirova