Sosial şəbəkə X-də genişmiqyaslı nasazlıq

Sosial şəbəkə X-də genişmiqyaslı nasazlıq qeydə alınıb, bu barədə müxtəlif ölkələrdən istifadəçilər Downdetector-a məlumat verib. Ən çox şikayət Niderlanddan daxil olub.

Belarus, Almaniya, Qazaxıstan və digər ölkələrin sakinləri də sosial şəbəkəyə girişdə problemlərdən şikayətlənirlər. Şikayətlərin 65%-i saytın işləməsi ilə bağlıdır, tətbiqdə nasazlıq barədə isə yalnız 15% istifadəçi məlumat verib. Son bir saat ərzində 290, son sutka ərzində isə 1028 şikayət daxil olub.

Bir neçə gün əvvəl X-də yenə böyük nasazlıq yaşanmışdı. Ən çox şikayət ABŞ-dan olub – 1300-dən çox. Həmçinin, Böyük Britaniya, Kanada, Fransa, Almaniya, Braziliya, Meksika və digər ölkələrin istifadəçiləri də problemlərdən narazılıq bildiriblər.

Ulusum.az