2025-ci ilin ən mübahisəli filmi oldu

Disney-in klassik "Qar Ağı və Yeddi Cırtdan" animasiyasının canlı-action versiyası, həm müsbət, həm də mənfi ictimai və siyasi reaksiyalarla qarşılandı. Reyçel Zeqler və Qal Qadotun fərqli siyasi mövqeləri və bəyanatları filmin ətrafında müzakirələrə səbəb oldu. Rejissor Marc Webb bu yeniləmənin zamanın dəyişikliklərini əks etdirdiyini bildirsə də, filmin qlobal siyasi bölünmələrin güzgüsünə çevrilməsi gözlənilməz oldu.

Bəzi izləyicilər, animasiyanın canlı versiyasının vizual cəhətdən təəccüblü və əyləncəli olduğunu vurğuladı, xüsusən də aktyorların performansları və müasir texnologiyalarla yaradılan təsvirlər bəyənildi. Ancaq bir çox tamaşaçı və tənqidçi, orijinal hekayənin təhrif olunmasından narahat oldu və filmin bəzilərinin dərinlikdən məhrum olduğu fikrini irəli sürdü.

Sosial mediada müxtəlif diskussiyalar başladı, xüsusən cırtdanların təmsil olunma tərzi ilə bağlı. Bəzi insanlar, bu obrazların stereotiplər və diskriminasiyanı təbliğ etdiyini düşündü, digərləri isə filmə daha inkluziv və müasir yanaşmaların gətirilməsini istədi. Bununla yanaşı, cəmiyyətdəki bəzi siyasi baxışlar da Disney-in yenilikçi yanaşmalarını müsbət və ya mənfi qiymətləndirdi, xüsusən də gender bərabərliyi və mədəniyyətlərarası təmsil ilə əlaqədar.

Qar Ağı" filminin istehsalı 2019-cu ildən başlayıb və 2021-ci ildə Reyçel Zeqlerin seçilməsi ilə diqqət mərkəzinə çevrilib. Lakin film, PR səhvləri və siyasi mübahisələr səbəbindən geniş ictimai reaksiyalarla üzləşib.

Rəxşəndə İkramlı