Məşhur italyan tenoru Bakıda çıxış edəcək - VİDEO

30 Aprel 2025 Heydər Əliyev Sarayının səhnəsində dünyaca məşhur italyan tenoru, Alessandro Safina, Qara Qarayev adına Azərbaycan kamera orkestrinin müşayiəti ilə möhtəşəm bir konsert verəcək. Konsert zamanı Safina, ona böyük uğur gətirən yeni kompozisiyalarını və həmçinin bütün sevilən hitlərini ifa edəcək. Bu, musiqi həvəskarları üçün unudulmaz bir gecə olacaq.

“Ulusum”.az-ın məlumatina görə, Alessandro Safina — 1963-cü ildə İtaliyanın Sienna şəhərində doğulub. Safina, operatik tenor olaraq tanınsa da, həm də pop-musiqi üslubunda ifaları ilə geniş auditoriya qazanıb. Onun səsi və unikal üslubu dünya miqyasında sevilir.

İlk musiqi təhsilini Siennada alıb və sonra Florensiya Konservatoriyasında təhsilini davam etdirib. Alessandro Safina, həm klassik, həm də pop müsiqisi sahəsində müvəffəqiyyətlə çıxış edərək bir çox beynəlxalq səhnələrdə öz bacarıqlarını nümayiş etdirib. Onun ən məşhur ifalarından biri, "Luna" adlı mahnısıdır, bu parça ona dünya şöhrəti gətirmişdir.

Safina həm də bir çox böyük konsertlərdə, opera tədbirlərində və prestijli musiqi festivallarında iştirak edib. Onun musiqi karyerası, ən yüksək səhnələrdə çıxışları ilə davam edir və hər zaman mükəmməlliyi ilə seçilir.