Rihanna "A$AP Rocky"nin məhkəməsində iştirak edib

Məşhur pop ulduzu Rihanna çərşənbə günü Los-Anceles məhkəməsində həyat yoldaşı, repçi A$AP Rocky-nin məhkəməsində iştirak edib.

Rihanna məhkəmə zalında A$AP Rocky-nin ailəsi ilə birlikdə əyləşərək, repçiyə qarşı irəli sürülən ittihamlarla bağlı məhkəmə prosesini izləyib. İttihama əsasən, A$AP Rocky keçmiş dostuna silah çəkərək dəfələrlə atəş açıb.

Məhkəmə prosesi cümə günü başlayıb və repçinin iki ağır hücum ittihamı ilə üzləşib-üzləşməyəcəyi müəyyən ediləcək. Əgər günahkar bilinərsə, onu onilliklərlə həbs cəzası gözləyə bilər.

A$AP Rocky ittihamları qəbul etmir. Onun vəkilləri silahın sadəcə bir aksesuar olduğunu və keçmiş dostunun bu iddialarla maddi qazanc əldə etmək niyyətində olduğunu bildiriblər.

Səidə