Ani Lorak Rusiya vətəndaşı oldu — Xəyanət, seçim, yoxsa zərurət?

Ukraynalı müğənni Ani Lorak (əsl adı — Karolina Kuək) Rusiya vətəndaşlığı alıb. Bu barədə RIA Novosti müğənninin ətrafındakı mənbəyə istinadən məlumat yayıb.

Bildirilib ki, ona Rusiya pasportu 9 iyun tarixində təqdim edilib. Mənbənin sözlərinə görə, Karolina Rusiya vətəndaşlığı alaraq öz əsl adını — Karolina adını da saxlayıb.

2024-cü ilin mart ayında Ani Lorak Rusiya vətəndaşlığı almaq üçün rəsmi müraciət etmişdi. Aprel ayında isə bəzi mənbələr onun gizli şəkildə Ukrayna pasportunu yenilədiyini iddia etmişdi.

Qeyd edək ki, Ani Lorak Ukraynada sonuncu dəfə 2017-ci ildə səhnəyə çıxıb. Onun sözlərinə görə, həmin dövrdən sonra vətənində ona təzyiqlər olub. Rusiya-Ukrayna müharibəsi başlayandan sonra Ukraynada Lorakı "xəyanətkar" adlandırıblar, Rusiyada isə onu Ukrayna Silahlı Qüvvələri üçün ianə toplamaqda ittiham ediblər. Müğənni bu iddiaları rədd edərək bildirib ki, heç vaxt hərbçiləri maliyyələşdirməyib və bunu etməyi də düşünmür.

Ulusum.az