18 illik münasibətin sonu faciəyə çevrildi – Lelin ailəsində dəhşət

Müğənni Katya Lelin keçmiş əri – İqor Kuznetsov itkin düşüb. Bu barədə mk.ru onun yaxın çevrəsinə istinadla xəbər verib.

Məlumata görə, aprel ayında Kuznetsov Fransanın Nitsa şəhərinə yollanıb. Ayın ortalarında dənizdə üzmək üçün çıxıb və geri qayıtmayıb. O vaxtdan bəri onunla əlaqə saxlamaq mümkün olmayıb.

“Yaxınları iztirab içindədir, yuxuları qaçıb”, – deyə mənbə bildirib.

Sayt yazır ki, Katya Lel baş verənlərdən xəbərdardır. Bu məlumatı onun bacısı və meneceri İrina təsdiqləyib:

“Dalgıçlar sualtı axtarış aparıb, amma cəsədi tapılmayıb. Axtarışlar davam edir”.

Katya Lelin və İqor Kuznetsovun münasibəti 18 il davam edib, 15 il evli olublar. Onların bu evlilikdən bir qız övladı – Emiliya dünyaya gəlib. Cütlük 2023-cü ilin dekabrında ayrılıb. Katyanın sözlərinə görə, əvvəlki ərinə olan etibarsızlıq və davamlı xəyanətlər bu qərarın səbəbi olub.

✍️"Ulusum".az