ABŞ Müdafiə Nazirliyi 1,2 milyard dollarlıq müqavilə imzalayıb

ABŞ Müdafiə Nazirliyi Amerikanın Raytheon şirkəti ilə AIM-120 AMRAAM orta mənzilli təyyarə raketlərinin istehsalı üçün təxminən 1,2 milyard dollarlıq müqavilə imzalayıb.

AMRAAM F-15C, F-15E, F-16, F/A-18C/D, F/A-18E/F, F-22 qırıcılarının əsas silahıdır. Bir raketin qiyməti modifikasiyadan asılı olaraq 1,2 milyon dollardan 1,97 milyon dollara qədər dəyişir.

Müqavilə çərçivəsində raket və avadanlıqların bir neçə ölkəyə ötürülməsi planlaşdırılır. Onların arasında Ukrayna, Bolqarıstan, Yaponiya, Böyük Britaniya, Macarıstan, Almaniya, İtaliya, Kanada, Bəhreyn, Norveç, Finlandiya və İsveçrə var.

Eltun Məmmədov