Rusiya və ABŞ diplomatları bu gün İstanbulda görüşəcək

Rusiya və ABŞ nümayəndə heyətləri bu gün İstanbulda iki ölkənin diplomatik nümayəndəliklərinin fəaliyyətinin normallaşdırılması ilə bağlı məsləhətləşmələrin ikinci mərhələsini keçirəcəklər.

“Ulusum”.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

İclasda iki ölkənin xarici siyasət idarələrinin nümayəndələri iştirak edəcəklər.

Qeyd edək ki, ilk belə görüş fevralın 27-də baş tutub və mətbuata bağlı qapılar arxasında söhbət 6 saatdan çox davam edib.