Siqaret: Uşaqlar və Hamilə Qadınlar Üçün Görünməz Təhlükə -VİDEO

Uzman Dr. Rövşanə Həsənzadənin "Ulusum.az"a verdiyi məlumata görə, uşaq siqaret çəkməsə belə, siqaret çəkilən mühitdə böyüyürsə, passiv siqaret çəkmiş sayılır. Onların hələ inkişaf mərhələsində olan ağciyərləri tüstünün zərərinə qarşı daha həssasdır.
Hamilə qadının yanında siqaret çəkilməsi isə dölün ağciyər inkişafını ləngidə, erkən doğum və hətta ölü döl riskini artıra bilər.

Tüstüyə məruz qalan körpələrdə bronxit, astma, sətəlcəm, allergik xəstəliklər və ən ağır halda ani körpə ölümü sindromu baş verə bilər. Siqaretin tərkibindəki toksik maddələr beyinə təsir edərək tənəffüs mərkəzini zəiflədir. Dr. Həsənzadə qətiyyətlə bildirir:
Əgər övladınızın sağlam böyüməsini istəyirsinizsə, siqareti yalnız evin içində deyil, hətta eyvanda çəkdikdən sonra belə, uşağın yanına yaxınlaşmaq olmaz.



R.Daşdəmirova