Kişilərdə də olur: yaşla gələn dəyişikliklər və “səssiz” klimaks

Klimaks deyəndə ilk növbədə qadınlar yada düşür. Amma əslində bu, təkcə qadınlara aid bir hal deyil. Sən demə, kişilərdə də yaşla hormonal dəyişikliklər baş verir – sadəcə bu barədə cəmiyyət az danışır.

🔬 Uroloq-androloq, həkim Yekaterina Makarova izah edir ki, bu proses tibbə artıq 100 ildən çoxdur məlumdur və ona “klimaks” yox, “yaşla bağlı androgen çatışmazlığı” deyilir. Yəni testosteronun tədricən azalması və ona bağlı dəyişikliklər.

🧠 Kişi klimaksının əsas əlamətləri:
Cinsi istəkdə azalma

Ereksiyanın zəifləməsi

İntim yaxınlıq zamanı hisslərin “solğunluğu”

Sperma keyfiyyətinin düşməsi, sonsuzluq riski

Sidik ifrazında çətinlik, gecə tez-tez oyanmaq

Çəkinin artması, xüsusilə qarın nahiyəsində yağlanma

Əhvalın tez-tez dəyişməsi, depressivlik, işə marağın azalması

Sümük toxumasının zəifləməsi (osteoporoz)

Əzələ kütləsinin azalması və ümumi zəiflik

🧪 50 yaşdan sonra hansı analizlər vacibdir?
Qan analizi (hematokrit, PSA – prostat göstəricisi)

Biokimya (xolesterin, şəkər, qaraciyər və böyrək göstəriciləri)

Hormonlar: testosteron, SHBG və s.

Prostatın barmaqla müayinəsi və ultrasəs (TRUS)

“AMS testi” – simptomlara görə ballarla qiymətləndirmə

💉 Bəs bu, müalicə olunurmu?
Bəli! Testosteron əvəzləyici terapiya artıq dünya təcrübəsində tətbiq olunur və kişi orqanizmindəki hormonal balansı tənzimləməyə kömək edir.

Həkimlər eyni zamanda “sağlamlıq kvarteti” adlanan kompleks dəstək təyin edirlər:

Testosteron preparatları

Xolesterin və şəkəri tənzimləyən dərmanlar

D3 vitamini

Omega-3 və antioksidantlar

Bu yanaşma yalnız cinsi sağlamlığı deyil, ümumi həyat keyfiyyətini də artırır – kişilər özlərini daha gümrah, enerjili və inamlı hiss edirlər.

Ulusum.az