Zehni sağlamlığa təhlükə yaradan qidalar

Alimlər müxtəlif pəhrizləri təhlil edərək, zehni sağlamlığa təhlükə yaradan qidaları müəyyən ediblər.

Alzheimer’s Research UK və Milli Yaşlanma Problemləri İnstitutunun (NIA) tədqiqatçılarına görə, qırmızı ət və doymuş yağlar beyin yaşlanmasını sürətləndirir və demensiya riskini artırır.

Məlum olub ki, kolbasa, sosiska, kərə yağı, pendir və şirin çörək məmulatlarının tez-tez istehlakı yalnız zəif zəka deyil, həm də ürək-damar xəstəlikləri və diabet riskini yüksəldir. Bu xəstəliklər isə kognitiv funksiyaların pozulmasının katalizatoru ola bilər.

Alimlər vurğulayırlar ki, ürəyə faydalı olan şey beyinə də faydalıdır. Beynin stabil qan dövranına ehtiyacı var və bunun üçün sağlam damarlar vacibdir.

Buna görə demensiyanın qarşısını almağın əsas yolları doymuş yağlar və şəkərdən imtina etmək, bitki mənşəli qidalara keçmək, müntəzəm fiziki fəallıq və çəkiyə nəzarət etməkdir.

Zehni yaşla bağlı mənfi dəyişikliklərdən qoruyan qidalar arasında yaşıl yarpaqlı tərəvəzlər, gilas, balıq və antioksidantlar (məsələn, zerdeçal) olan ədviyyatlar göstərilib. Bu qidalara üstünlük vermək tövsiyə olunur.

✍️"Ulusum".az