Migren zamanı qəhvə içmək – fayda yoxsa təhlükə?

Rusiyanın Səhiyyə Nazirliyinə bağlı Piroqov adına Rusiya Tibb Universitetinin nevrologiya üzrə assistenti, tibb elmləri namizədi İnna Filatova bildirib ki, migren zamanı kofeinli içkilər (məsələn, qəhvə və ya çay) içmək təhlükəli ola bilər.

Onun sözlərinə görə, kofeinin migrenə təsiri ikiüzlüdür:

Bir tərəfdən, beyin damarlarını daraldaraq ağrını azalda bilər.

Digər tərəfdən, həddindən artıq kofein istifadəsi migreni daha da gücləndirə bilər.

Filatova xüsusilə vurğulayıb ki, kofeinə öyrəşmiş insanların qəfil imtinası yeni migren tutmalarını yarada bilər.

O qeyd edib ki, kofe qətiyyən əsas müalicəni əvəz etməməlidir. Migrenin ilk əlamətləri zamanı həkimin təyin etdiyi ağrıkəsici qəbul edilməlidir. Eyni zamanda, kofein miqdarı və istifadəsi ilə bağlı həkimlə məsləhətləşmək vacibdir.

✍️"Ulusum".az