Kişilər qəfil ölüm sindromuna daha çox məhruz qalır

Terapevt Andrey Kondraxin "Veçernyaya Moskva" qəzetinə verdiyi müsahibəsində kişilərin daha çox qəfil ölüm sindromundan təsirləndiyini və bunun heç bir aydın səbəb olmadan baş verdiyini bildirib. O, genetik anomaliyaları olan insanların bu sindroma qarşı daha həssas olduğunu vurğulayıb.

Kondraxin qeyd edib ki, qəfil ölüm sindromunun əsas xüsusiyyəti odur ki, insanların əvvəllər heç bir ciddi narahatlıq hiss etmədikləri və ya sağlamlıq problemlərindən şikayət etmədikləri halda, ölümün səbəbini müəyyən etmək mümkün olmur. Bu da həkimlərin ölümün konkret səbəbini müəyyən etməkdə çətinlik çəkməsinə gətirib çıxarır.

Həkim, bu sindromun tamamilə hər kəs üçün mümkün olduğunu, lakin xüsusilə ailəsində qəfil ölüm hadisələri olan insanlarda riskin daha yüksək olduğunu xəbərdarlıq edib. O, həmçinin bu cür hadisələri proqnozlaşdırmağın qeyri-mümkün olduğunu bildirib, bu səbəbdən hər kəsin sağlamlıq vəziyyətinə diqqət etməsi vacibdir.