İtalyan Ləzzəti ilə Dənizdən Gələn Təravət

Əgər dəniz məhsullarını sevirsənsə, bu salat tam sənlikdir!
İtalyan tərzində hazırlanan bu yüngül və faydalı salat həm dadlıdır, həm də orqanizm üçün olduqca xeyirlidir. Kalmar, krevet və midiyə – hər biri omeqa-3, zülal və faydalı minerallarla zəngindir.

Tərkibində təzə tərəvəzlər, limon suyu və zeytun yağı olan bu salat həm immuniteti gücləndirir, həm də ürək-damar sağlamlığı üçün faydalıdır. Aşağı kalorili olduğu üçün pəhriz saxlayanlar üçün də ideal seçimdir.

Bir boşqab sağlamlıq və ləzzət – sınamağa dəyər!

Tərkibi:
- Kalmar – 200 q (halqalar şəklində doğranmış)
- Soyulmuş krevet – 150 q
- Midiyə (qabıqlı çəkidə) – 150 q
- Albalı pomidor – 150 q
- Rukkola – 50 q
- Qırmızı soğan – 50 q
- Sarı bibər – 100 q
- Çəyirdəksiz zeytun – 30 q
- Limon suyu – 20 q
- Zeytun yağı (extra virgin) – 15 q
- Sarımsaq – 1 diş (5 q)
- Duz, istiot – zövqə görə (təqribən 3 q)

Hazırlanması:
1. Kalmarı təmizləyin və halqa şəklində doğrayın. Krevet və midiyələri yuyun.
2. Dəniz məhsullarını duzlu suda 2-3 dəqiqə bişirin, sonra süzgəcdən keçirin və soyudun.
3. Pomidorları iki yerə bölün, bibəri nazik doğrayın, soğanı yarımhalqa şəklində kəsin, sarımsağı xırdalayın.
4. Kiçik qabda zeytun yağı, limon suyu, sarımsaq, duz və istiotu qarışdırın.
5. Böyük servis qabına rukkola düzün, üstünə soyudulmuş dəniz məhsulları, pomidor, bibər, soğan və zeytunları əlavə edin.
6. Salatın üzərinə sousu gəzdirin, diqqətlə qarışdırın və dərhal süfrəyə verin.

Kalmarl – Aşağı kalorili və zülalla zəngin dəniz məhsuludur, həmçinin tərkibində B12 vitamini və selenyum var. Yumşaq teksturası və neytral dadı ilə salatlara və isti yeməklərə ideal uyğun gəlir.

Krevetlər – Omeqa-3 yağ turşuları, yod və antioksidantlarla zəngindir. Tez bişən və dadlı olan krevetlər müxtəlif salat və əsas yeməklərdə geniş istifadə olunur.

Midiyələr – Dəmir və sinklə zəngin, az kalorili dəniz məhsuludur. Onların incə dəniz dadı salatlara xüsusi ləzzət qatır.

Ulusum.az