Fars mətbəxindən unudulmaz dad: "E Joo" şorbası

Fars şorbası – E Joo – Yaxın Şərq mətbəxinə məxsus isti və qidalandırıcı yeməkdir. Bu şorbanın özəlliyi ondadır ki, arpa dənəsi, toyuq əti və süd birlikdə bişirilir, ədviyyatların ətri isə ona unudulmaz dad qatır. Həm doyumlu, həm də bədəni isidən ideal yeməkdir.

🔻 İNGREDİYENTLƏR

Toyuq əti – 500 q

Su – 2 litr (sonda ~1,5 l qalacaq)

Arpa – 300 q

Süd – 1 litr

Kartof – 100 q (kub-kub doğranmış)

Soğan – 250 q

Yerkökü – 150 q

Bitki yağı – qovurma üçün

Ədviyyatlar – hərəsindən 1 ç.q. (koriandr, kimyon, zərdəçal)

Kərə yağı – 20 q

Göyərti – cəfəri, keşniş

🔻 HAZIRLANMA QAYDASI

Toyuğu 2 litr suda bişirin, bulyonu süzün (təxminən 1,5 litr qalmalıdır). Əti xırda doğrayın.

Soğan və yerkökünü yağda qızardın, üzərinə keşniş toxumu, kimyon və zərdəçal əlavə edin.

Əsas hissə: Bulyona arpanı əlavə edin, 30 dəqiqə bişirin.

Sonra kartof, qızarmış kök və soğan, doğranmış toyuq və südü əlavə edin. Daha 15 dəqiqə bişirin.

Ən sonda kərə yağı və doğranmış göyərti qatın.

Şorba qatı, krem kimi yumşaq konsistensiyaya malik olur. Südün zərifliyi ilə ədviyyatların ətiri mükəmməl harmoniya yaradır. "E Joo" isti halda, üzərinə keşniş və cəfəri səpərək süfrəyə verilir. Lavaş və ya xırtıldayan çörəklə çox gözəl gedir.

Ulusum.az