Azərbaycanın təbii və mədəni irsi - VİDEO

Azərbaycanının təbii və mədəni irsinə həsr olunan bu layihə Mədəniyyət Nazirliyi tərəfindən Cop 29 tədbirləri çərçivəsində hazırlanmışdır.

Məqsəd təbiətlə mədəniyyətin qarşılıqlı əlaqəsini işıqlandırmaq, illər, qərinələr, əsrlər keçdikcə təbiətlə mədəniyyətin müxtəlif sahələrinin bir-birinə bağlı şəkildə inkişafını göstərməkdir.

Azərbaycanın zəngin təbii və mədəni irsi özündə çoxşaxəli dəyərləri birləşdirir. Qobustan qayaları üzərində “Natiq” ritm qrupunun ifası həm qədimlik, həm də müasirliyi bir araya gətirərək bu əraziyə yeni nəfəs verir.

Azərbaycanın milli simvollarından biri olan kəlağayı UNESCO-nun Qeyri-Maddi Mədəni İrs siyahısına daxil edilib və bu zərif ipək baş örtüyü xalqın estetik zövqünün göstəricisidir.

Cəbrayılda yerləşən qədim körpü memarlıq və tarix baxımından ölkənin dəyərli irs nümunələrindəndir. Göygöl və digər dağ gölləri təbiətin gözəlliyini əks etdirən nadir guşələrdəndir.

Qobustandakı qayaüstü rəsmlər və palçıq vulkanları Azərbaycanın geoloji və tarixi unikalığını nümayiş etdirir. Bu torpaqda hər daş, hər naxış bir tarix danışır – və bu irs gələcək nəsillərə ötürüləcək qədər dəyərlidir.



✍️"Ulusum".az