İtlər üçün qocalma əleyhinə həblər icad edilib

Amerikalı biotexnoloji startap Loyal 2025-ci ildə itlər üçün, onların həyatını ən azı bir il uzatmağı vəd edən tabletlər buraxmağı planlaşdırır. Bu barədə Loyal-ın təsisçisi və baş icraçı direktoru Selin Haliua "Guardian" qəzetinə verdiyi müsahibədə bildirib. Onun sözlərinə görə, gələcəkdə bu, insanların da oxşar problemi həll etməyə kömək edə bilər.

Loyal bazara LOY-002 adlı, gündəlik istifadəyə uyğun, ət dadı olan tablet təqdim edəcək. Bu tablet itlərə ən azı bir əlavə il sağlam həyat bəxş etməyi hədəfləyir, — deyə mütəxəssis vurğulayıb.

Haliua açıqlamasında bildirib ki, tabletin məqsədi yaşlanma proseslərini yavaşlatmaqdır. Preparat həmçinin sümüklərin zəifliyini azaldır və qanında insulin səviyyəsinin yüksəlməsinin qarşısını alır. Bununla belə, Haliua qeyd edib ki, alimlər "itləri ölümsüz etmir", sadəcə onların sağlamlıqlarını yaxşılaşdıraraq həyatlarını uzadırlar.