Xərçəngin yayılmasını proqnozlaşdıran «imza»

Cənubi Danimarka Universitetinin tədqiqatçıları, müxtəlif metastaz (digər orqanlara yayılma) edən xərçəng növlərinə xas olan ümumi bir genetik "imza"nı müəyyən ediblər. Bu "imza", 177 genin varlığı ilə xarakterizə olunur. Tədqiqatın nəticələri Molecular Cancer jurnalında dərc edilib.

Ən azı 200 şiş nümunəsi üzərində aparılan tədqiqatlar, tək hüceyrəli RNA sekvenasiya texnologiyasından (scRNA-seq) istifadə edərək, metastatik və metastatik olmayan şişlərdə fərdi hüceyrələrin davranışını öyrənməyə imkan verdi. Araşdırma, metastaz prosesinə təsir edən əsas genləri və dərmanları aşkar etdi.

Ümumilikdə, xərçəngin metastaz etmə ehtimalını proqnozlaşdırmağa imkan verən genetik "imza" 177 gen daxildir. İki gen xüsusilə vacib oldu. Birinci gen — SP1, xərçəng hüceyrələrinin hərəkətliliyini və "aqressivliyini" artıraraq metastazın artmasına kömək edir, ikinci gen — KLF5 isə bu prosesi dayandıraraq orqanizmə xəstəliklə mübarizədə kömək edir.

Tədqiqatın müəlliflərindən olan professor Vijaya Tivari bildirib ki, bu genlərin kəşfi, metastazlar həyat üçün təhlükəli olmadan əvvəl dayandırmaq üçün müalicə metodlarının hazırlanmasında həlledici rol oynaya bilər.

Əldə olunan nəticələr, erkən diaqnostika və ümumi genetik amilləri nəzərə alan universal müalicə metodlarının hazırlanması üçün yeni imkanlar açır. Alimlərin fikrincə, əsas genetik tətikçiləri başa düşmək, xəstəlikdən ölüm nisbətlərinin azaldılmasına və xəstəlikdən əziyyət çəkənlər üçün yükün yüngülləşməsinə ümid verir.

Səidə