Danimarkada IV əsrə aid Roma dəbilqəsinin hissələri tapılıb

Danimarkada, Hedensted ətrafında aparılan qazıntılar zamanı unikal bir tapıntı aşkar edilib. Arxeoloqlar, IV əsrə aid Roma dəbilqəsinin fraqmentlərini tapıblar. “Ulusum”.az xəbər verir ki, bununla bağlı məlumatı Arkeonews portalı yayıb.

Bu, Danimarkada tapılmış ilk və ən qədim Roma dəbilqəsidir.

Tapıntılar arasında çox sayda silah və hərbi əşya yer alır: 119 nizə, 8 qılınc, 5 bıçaq, 3 ox ucu, balta, zireh və daha çox. Arxeoloqlar, bu əşyaların, o cümlədən dəbilqə fraqmentlərinin Roma dövrünə aid olduğunu müəyyən ediblər. Dəbilqənin üzlük hissəsi üzərindəki bəzəklər, o dövrün sənətinə aid tipik elementləri göstərir.

Alimlər, Roma dəbilqəsinin skandinavların döyüşdə qələbəsindən sonra dağıdıldığını və hissələrinin döyüşçülər arasında paylaşıldığını düşünürlər. Tapıntı, yalnız şimal Almaniyası və İsveçdə rastlanan bənzərləri ilə müqayisə olunur. Bu tapıntının bəzi hissələri, Vayle şəhərindəki Mədəniyyət Muzeyində nümayiş etdiriləcək.

Səidə