Ayda "sake zavodu": qiyməti 738 min dollar

Yaponiyanın Asahi Shuzo şirkəti premium səviyyəli sake istehsalını Beynəlxalq Kosmik Stansiyada, daha sonra isə Ayda həyata keçirməyi planlaşdırır. Bu barədə South China Morning Post məlumat yayıb. Kosmosda hazırlanacaq elit spirtli içkinin qiyməti 100 millilitrə görə 738 min dollar (təxminən 60 milyon rubl) olacaq.

"Asahi Shuzo"nun prezidenti və baş direktoru Kadzuxiro Sakurai qeyd edib ki, bu, təkcə PR məqsədli bir təşəbbüs deyil – əksinə, bu, Aydan başlayaraq digər imkanlara aparan bir başlanğıcdır.

Onun sözlərinə görə, layihəyə ilham ABŞ-ın tədqiqat proqramlarından gəlib. Xüsusilə də yaponları NASA-nın "Artemida" proqramı maraqlandırır – bu proqram sayəsində yaxın gələcəkdə insanların Ayda daimi yaşaması mümkün olacaq.

Sakurai əlavə edib ki, Ay sakinləri spirtsiz yaşaya bilməyəcəklər: "Bu səbəbdən, buna əvvəlcədən hazırlaşmaq lazımdır".

Bu ilin payızında istehsalçılar kosmik pivəbişirmə avadanlığını daşımaq üçün lazımi yükü kosmosa göndərməyi planlaşdırırlar. Yerli kosmonavtlar artıq bu ideyaya böyük maraq göstərirlər.