5 aprel Beynəlxalq Şorba Günüdür

Hər il 5 aprel tarixində qeyd olunur. Bu gün, şorbaların müxtəlif mədəniyyətlərdəki önəmli yerini vurğulamaq və şorbanın sağlamlıq üçün faydalarını təbliğ etmək məqsədilə keçirilir.

"Şorba" sözü Fransız dilindəki "çorba" və latınca "suppa" sözlərindən gəlir, bu da çörəyin bulyona batırılması ilə bağlıdır.

Vallah, nənəm rəhmətlik bir ləyən quru çörəyi doğrayardı, şorbaya, düzərdi bizi sıraya. Növbə axırıncıya çatmamış, birinci artıq gözləmədə qalırdı.)) Allah sənə rəhmət etsin, ay nənə! Hər gün şorba bayramı edirdin, biz isə qədrini bilməmişik. Bağışla. Elə bilirdik ki, kotleti sən özün çox yeyəcəksən deyə bizə şorba verirdin.



Hamı şorba resepti paylaşır, birin də mən deyim. Əvvəllər qəssabların atdığı, əti sıyrılmış sümüyü alırıq, 4-5 saat qaynadıb, ruslar demiş "bulyon"u tam hazır vəziyyətdə olanda içinə evdə Allah verən rüzüdan nə varsa tökürük. Day, Çinlilər kimi şokolad şorbası bişirmək istəyənlər özləri bilər.

Nə üçün hər gün şorba içməliyik?



Şorba quru yeməklərdən daha faydalıdır. Detoks kimi təsir etdiyindən xərçəng, həzm sistemi və xolesterin kimi bir çox sağlamlıq problemini həll edir.

Zarafat bir yana. Beynəlxalq Şorba Gününün yaradılmasının əsas məqsədi insanlara bu yeməyin sağlamlığa nə dərəcədə əhəmiyyət verdiyini bildirməkdir. Şorbalar çox faydalıdır. Birincisi, onlar bədənin həzm sisteminə faydalı təsir göstərir, fermentlərin və mədə şirəsinin istehsalını stimullaşdırır. Daha sonra isə orqanizmin immun sistemini möhkəmləndirir, soyuqdəyməyə xeyirlidir.



1.İspan tomat şorbası, 2.Albalı (vişnə) şorbası, 3.3.Kvasda xiyar şorbası, 4.4. Çuğundur şorbası yumurta ilə, 5.5.Türksayağı yoqurt şorbası

Çox şükür, mətbəximiz zəngin və dadlı yeməklərlə doludur. İsti şorbalardan savayı, soyuq çorbalar daha sağlam sayılır. Nəysə, çox uzatmayım. Gününüz mübarək! Kim həzm üçün şorba içəcəkdisə, qatı halda məsləhət görmürəm. Çorbanı duru için ki, həzmi tezləşdirsin. Sirkə də töksəniz lap əla olar.



Şorba bayramınız mübarək.!