AB Rusiyaya qarşı sanksiyaları gücləndirməyə hazırlaşır

AB Rusiyaya qarşı sanksiyaları gücləndirməyə hazırlaşır. Bu barədə Reuters məlumat yayıb.

Agentlik bildirir ki, avropalı diplomatlar arasında danışıqlar Avropa sanksiyalarının uzunmüddətli perspektivdə qorunması, hətta Vaşinqton kursu dəyişsə belə, daha sərt icra yolu ilə gücləndirilməsi üçün nəzərdə tutulmuş bir neçə təşəbbüsə yönəlib.

Nəşrin həmsöhbətləri qeyd edirlər ki, mümkün addımlar arasında Rusiya Federasiyasına şübhəli mal tədarükünün müəyyən edilməsi və dayandırılması üçün “hərtərəfli” müddəa, habelə neftin nəqlinə daha geniş məhdudiyyətlər daxildir. Bundan əlavə, Rusiya Mərkəzi Bankının aktivlərinin dondurulmasının hər altı aydan bir uzadılması müzakirə edilir.

Eltun Məmmədov