“Qoç Ət” MMC-nin Xocalıda heyvandarlıq kompleksinin açılışı olub

Azərbaycan Respublikasının Prezidenti İlham Əliyev mayın 9-da Xocalı rayonunun Xanabad kəndində yerləşən “Qoç Ət” Kəndli Fermer Təsərrüfatı MMC-nin heyvandarlıq kompleksinin açılışında iştirak edib.





Kompleksdə damazlıq və ətlik-südlük heyvandarlıq, istehsal və ictimai iaşə xidmətləri fəaliyyət göstərir.





Hazırda təsərrüfatda 355 baş müxtəlif cins iribuynuzlu damazlıq heyvan mövcuddur və illik 100 ton ət, 2 min ton süd istehsalı gücünə malikdir.





Gələcəkdə süd istehsalının illik 3 min tona çatdırılması planlaşdırılır.





Məhsullar daxili bazarla yanaşı, Birləşmiş Ərəb Əmirlikləri və Qətərə də ixrac ediləcək. Kompleksin fəaliyyəti nəticəsində 55 iş yeri yaradılıb və bu sayın 100-ə çatdırılması nəzərdə tutulur.



✍"Ulusum"az