Azərbaycanın turizm imkanları Təl-Əvivdə keçirilən beynəlxalq sərgidə nümayiş etdirilib

Azərbaycan Turizm Bürosu və “Azərbaycan Hava Yolları” (AZAL) daxil olmaqla 10 yerli tərəfdaş, 7-8 may tarixlərində Təl-Əvivdə keçirilən Beynəlxalq Aralıq dənizi Turizm Bazarı (IMTM 2025) sərgisində ölkənin turizm imkanlarını təqdim edir. Sərgidə dağ-xizək mərkəzləri, şərabçılıq, sağlamlıq turizmi və digər məhsullar haqqında məlumat verilir.



Qarabağ və Şərqi Zəngəzur regionlarının turizm potensialı da stenddə nümayiş olunur. Bundan əlavə, 5-6 may tarixlərində Hayfa və Təl-Əvivdə keçirilən yol şousu çərçivəsində 100-dən çox İsrail turizm nümayəndəsi ilə B2B görüşlər təşkil edilib.



Tədbirlərdə Azərbaycanın İsraildəki səfiri Muxtar Məmmədov və İsrail Turizm Nazirliyinin rəsmiləri iştirak ediblər.



✍"Ulusum".az