Qazaxda Tikinti və İnfrastruktur Layihələri Davam Edir

Qazax rayonunda tikinti işləri davam edir, o cümlədən Qaymaqlı, Aslanbəyli və Kəmərli kəndlərində içməli su təchizatının yaxşılaşdırılması layihələri həyata keçirilir.

Layihə çərçivəsində 4 yeni subartezian quyusu qazılacaq, nasos stansiyaları və su anbarları inşa ediləcək, həmçinin 14 km magistral və 76 km şəbəkə su xətləri çəkiləcək. Qazax şəhərində 100 yerlik uşaq bağçası-körpələr evinin tikintisi davam edir və avqust ayında istifadəyə verilməsi planlaşdırılır.

Şəhərin su təchizatı və kanalizasiya sistemləri yenidən qurulub, 6,4 km magistral su kəməri və 106,4 km paylayıcı su şəbəkəsi inşa edilib. İşğaldan azad edilən Bağanıs Ayrım, Aşağı Əskipara, Xeyrımlı və Qızılhacılı kəndlərinin tikintisinin layihə-smeta sənədləri hazırlanır.

✍️"Ulusum".az