Tramp “sokker”i “futbol” adlandırmaq istəyir – ABŞ-da ad dəyişikliyi gündəmdə

ABŞ Prezidenti Donald Tramp DAZN-ə verdiyi müsahibədə zarafatla bildirib ki, ölkədə “sokker” (soccer) sözünü “futbol” olaraq dəyişmək üçün fərman imzalaya bilər.

Bu açıqlamanı Tramp Nyu-Cersidə keçirilən Klub Dünya Çempionatının final oyununu izlədikdən sonra verib. Finalda Londonun “Çelsi” komandası Paris “PSJ”sini 3:0 hesabı ilə məğlub edib. Bütün qollar oyunun birinci hissəsində vurulub: 22 və 30-cu dəqiqələrdə Koul Palmer dubl edib, 43-cü dəqiqədə isə Joao Pedro fərqlənib. 85-ci dəqiqədə “PSJ”nin yarımmüdafiəçisi Joau Neves qırmızı vərəqə alıb.

Klub Dünya Çempionatı FİFA-nın təşkilatçılığı ilə altı qitənin ən güclü klubları arasında keçirilən yarışmadır. Turnirin ilk buraxılışı 2000-ci ilin yanvarında Braziliyada baş tutub və bu yarış UEFA Çempionlar Liqasının qalibi ilə Libertadores Kubokunun qalibi arasında keçirilən keçmiş Qitələrarası Kubokun varisi hesab olunur.

Ulusum.az