Cənubi Koreyada 169 sərnişini olan təyyarə alovlanıb

Yonhap News agentliyinin məlumatına görə, Cənubi Koreyanın Pusan şəhərindəki Kimhe beynəlxalq hava limanında sərnişin təyyarəsi yanıb.

“Ulusum”.az xəbər verir ki, göyərtədə 169 sərnişin və 7 ekipaj üzvü olub. Onlar təcili təxliyə edilib və hadisə nəticəsində xəsarət alan olmayıb.

Yanğın təyyarənin quyruq hissəsində başlayıb və sürətlə füzelyaj boyunca yayılıb. Hava limanı əməkdaşları alovu nəzarət altına alıb. Təyyarə Air Busan aviaşirkətinə məxsus olub və Honq Konqa uçmalı idi.

Hadisənin dəqiq səbəbləri hazırda araşdırılır.

Səidə