Ermənistanda rusiyalı fərari saxlanılıb

Ermənistanda rusiyalı fərari saxlanılıb, bu barədə respublika Daxili İşlər Nazirliyinin mətbuat xidməti məlumat yayıb.

İrəvandan verilən məlumata görə, bu, Nijni Novqorod vilayətindən olan 25 yaşlı İvandır. İyulun 15-də o, gecə yarısı Qazaxıstanın Aktau şəhərindən Zvartnots hava limanına gəlib və dərhal saxlanılıb.

Məlum olub ki, 2023-cü ilin aprelində Nijni Novqorod polisi həmin oğlanı bölməsini icazəsiz tərk etdiyinə görə beynəlxalq axtarışa verib. Medianın məlumatına görə, gənc 2022-ci ilin yazında fərarilik edib.

İndi İvan həbsdədir. Onun Rusiya Federasiyasına ekstradisiya edilib-edilməyəcəyinə məhkəmə qərar verəcək. İrəvan rusiyalının saxlanması ilə bağlı Moskvaya xəbərdarlıq edib.

Eltun Məmmədov