Şirvanda azyaşlı qızdırmadan öldü EKSKLÜZİV

Şirvan şəhəri M.Rəsulzadə küçəsində yaşayan 2015-ci il təvəllüdlü Əli Xəyyam oğlu Vəliyev Şirvan Şəhər Xəstəxanasında qızdırmadan ölüb.

Ulusum.az xəbər verir ki, ilkin məlumata görə, evdə müalicə olunan Əli Vəliyevin bir həftəyə yaxın hərarəti aşağı düşməyib.

Son anda xəstəxanaya gətirilsə də, onun həyatını xilas etmək olmayıb.

Azyaşlının ölümü ilə bağlı xəstəxanadan verilən şifahi məlumatda qeyd olunub ki, 20.05.2024- cü il 05:31 radələrində 2015-ci il təvəllüdlü (cinsi kişi) Şirvan şəhər sakini dəqiqləşdirilməmiş virus infeksiyası, aqonal hal diaqnozu ilə Şirvan Şəhər Mərkəzi Xəstəxanasının Təcili Təxirəsalınmaz Tibbi Yardım Şöbəsinə daxil olub.

05:41 radələrində həkimlərin səyinə baxmayaraq xəstənin həyatını xilas etmək mümkün olmayıb.

Faktla bağlı araşdırma aparılır.

Eltun Məmmədov