Hamilə qadın təcili yardım avtomobilində DOĞUŞ ETDİ - VİDEO EKSKLÜZİV

İsmayıllıda çox qəribə və xoş sonluqla bitən hadisə gerçəkləşib.

Ulusum.az[left][/left]-ın məlumatına görə, dünən gecə saatlarında doğum sancıları ilə Minayə Məlikova İsmayıllı Mərkəzi Rayon Xəstəxanasına müraciət edib. Lakin ərazi keçilməz olduğundan xəstəxanadan bildirilib ki, təcili olaraq xəstə Girdiman çayı üzərindəki Zərnava körpüsünə qədər gətirilsin. Eyni anda təcili yardım avtomobili də ginekoloji briqada ilə birlikdə Zərnava körpüsünə yola çıxıb. Təcili yardım çatdıqdan bir az sonra körpüyə gələn ailəni həkimlər qəbul edib, hamilə qadın dərhal müayinəyə alınıb və qərara alınıb ki, doğuş təcili olaraq təcili yardım maşınında həyata keçməlidir. Belə də olur, Minayə Məlikova oğlan uşağı dünyaya gətirir və sonradan həm körpə, həm də anası xəstəxanaya gətirilir. Hal-hazırda həm körpənin, həm də anasının vəziyyəti qənaətbəxş olaraq qiymətləndirilir.


VAHİD FƏXRİ, İSMAYILLI